പ്രാര്‍ത്ഥന

കരുണാ മുരളീധാരാ
മനസി നിറയ്‌ക്കുക കണ്ണാ!
കരുണാ മുരളീധാരാ . .
ഗോകുലമണിയും മണിയും നീയേ
ഗോപികാ ഹൃദി നിനവും നീയേ
വൃന്ദാരണ്യപ്പൂക്കളില്‍ നിറവും
മണവും മധുവും നീയേ
കാളിയമര്‍ദ്ദക! ഞങ്ങടെ കണ്‍കളില്‍
അമൃതെഴുതൂ നിന്‍ മിഴിയാല്‍
കരുണാ മുരളീധാരാ . .
ധര്‍മ്മാധര്‍മ്മ രണങ്ങളില്‍ ഞങ്ങടെ
കണ്‍മിഴി തെളിയാന്‍ നീളേ
നിത്യനിരാമയ ശംഖൊലിപോലെ
ഒഴുകാവൂ നിന്‍ സ്‌മരണ
കരുണാ മുരളീധാരാ . .
മനസി നിറയ്‌ക്കുക കണ്ണാ!
കരുണാ മുരളീധാരാ . .